අද කාලගුණය
.jpeg)
නිරිතදිග මෝසම ඉදිරි දින කිහිපයේදී දිවයින හරහා ක්රමයෙන් ස්ථාපිත වනු ඇතැයි අපේක්ෂා කරන බව කාලගුණවිද්යා දෙපාර්තමේන්තුව පවසනවා.
බස්නාහිර, සබරගමුව, මධ්යම සහ දකුණු යන පලාත්වල විටින් විට වැසි හෝ ගිගුරුම් සහිත වැසි ඇතිවිය හැකි බවයි ඔවුන් වැඩිදුරටත් සඳහන් කළේ.
තවද සබරගමුව පලාතේත් ගාල්ල, මාතර සහ කළුතර යන දිස්ත්රික්කවල ඇතැම් ස්ථානවලට මිලිමීටර 100 ක පමණ තද වැසිද ඇතිවිය හැකි බවද ඔවුන් වැඩිදුරටත් සඳහන් කළේ.
වයඹ පලාතේ වැසි වාර කිහිපයක් ඇතිවිය හැකි අතර ඌව සහ නැගෙනහිර පලාත්වල තැනින් තැන සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවිය හැකි බව ඔවුන් නිකුත් කළ නිවේදනයේ සඳහන්ය.
එමෙන්ම දිවයින හරහා විටින් විට හමන පැයට කිලෝමීටර් 40 - 45 ක පමණ තද සුළං ඇතිවිය හැකි බව කාලගුණවිද්යා දෙපාර්තමේන්තුව පවසනවා.
ගිගුරුම් සහිත වැසි ඇතිවන අවස්ථාවලදී ඇතිවිය හැකි තාවකාලික තද සුළං සහ අකුණු මඟින් සිදුවන අනතුරු අවම කරගැනීමට කටයුතු කරන මෙන් ඔවුන් ජනතාවගෙන් ඉල්ලා සිටිනවා.
(World News Express Plus)
Join With Us
Comments
Post a Comment